Македонскиот роман на 21-от век од гледна точка на велешкиот писател Анде Јанков, на нагледниот час по наставниот предмет Македонски јазик литература
На 17 февруари, на часот по Македонски јазик и литература, имавме чест да го угостиме македонскиот и велешки писател Анде Јанков, кој со нас сподели свое видување за современиот македонски роман, содржина опфатена во темата Македонски роман која е дел од годишната програма за четврта година на гимназиското образование. Часот започна со краток вовед за македонските писатели, развојот на првата македонска проза и роман, а потоа му отстапивме збор на писателот. Анде Јанков ни раскажа како се пронаоѓа во литературата на 21-от век, зборуваше за модернизмот, различните книжевни правци и предизвиците со кои се соочуваат современите македонски автори. Овој час не само што ни овозможи да дознаеме повеќе за процесот на пишување и развојот на книжевноста, туку нè научи и да ја вреднуваме нашата македонска литература, како важен дел од културниот и духовниот идентитет.
На парашањето: – Како се чувствувавте на часот, но сега како професионален македонски писател, а не како ученик, гимназијалец? – Тој ни одговори:
– „Ми беше посебна чест да присуствувам на часот по Македонски јазик и литература, кај професорката Цветанката Карамаркова, како гостин-писател на тема “Македонскиот роман на 21-ви век”.
Имав прилика да од прва рака проследам како учениците се надоврзаа на темите на тематската целина Македонска литература во дваесеттиот век, за да потоа го преземам предавањето за современиот македонски роман на дваесет и првиот век.
Преку споделување на теоретски познавања од наратологија, со романите “Папокот на светлината” на Венко Андоновски и моите романи “Едно лето на Крит” и “Кобајаши Мару”, на учениците им беа претставени некои од карактеристиките на постмодернизмот и метамодернизмот како најсовремени правци во сегашната македонска книжевност.
При крајот на часот, учениците беа повикани да се обидат да смислат наслов на свој роман или приказна, и притоа да ја започнат приказната со соодветна реченица која што ќе ги отсликува мотивите на самиот наслов. Во интерес на времето, ова им остана како домашна задача за наредниот час, иако неколку од учениците успеаја да состават нешто за краткиот временски период.“
Огромна благодарност до нашиот гостин-пистел, за неговата желба за соработка и одвоеното време. Ви посакуваме многу испишани страници на многу нови книжебни остварувања и Ви закажуваме следно другаруавње со пишаниот збор на некој од часовите по предметот Македонски јазик и литература.
