Седнавте да го пишувате Вашето ново дело? Сакате да смислите совршен негативец, но не сте сигурни како? Овој текст ќе Ви ги посочи основните постулати кои доколку ги следите, ќе ве одведат до одличен негативец, преку следење на настаните во романот “Едно лето на Крит”.
1. Вашиот негативец мора да биде моќен – Една од основните работи кои негативецот мора да ги поседува е да биде моќен. Но, што точно тоа значи? Поспецифично, негативецот мора да биде добар во напаѓање на слабостите на Вашите протагонист/главен јунак. На пример, во романот “Едно лето на Крит”, негативците Маноли и Никос, успеваат на почетокот да надвладеат над главните ликови Марина и Филип, со тоа што имаат далеку поголемо познавање на теренот каде се одвива дејството на книгата од нив, со тоа успешно киднапирајќи ги и двајцата.
2. Вршење притисок врз протагонистот за да направи тешки одлуки – Само преку следење на одлуките кои протагонистите ги прават под притисок, можеме да ја дознаеме нивната вистинска природа и карактер. Во нашиот случај, главниот јунак Филип, во еден момент разбира дека намерата на неговите грабнувачи е да го убијат, со што му останува да направи тежок избор – да се обиде да го нападне и разоружа Никос, кој со себе има ладно оружје. Колку поголем е притисокот кој негативецот го врши врз протагонистот толку појасна е и сликата за вистинската природа на јунакот.
3. Борење на протагонистот и негативецот за истата цел – Единствено преку борење за истата цел низ приказната, протагонистот и антагонистот можат да дојдат до меѓусебен директен конфликт, кој би траел се до крајот на Вашата приказна. Во овој случај, грабнувачите Маноли и Никос се борат со Филип за животот и слободата на Марина, конфликт кој трае речиси низ целиот роман. Ваква специфична и тесна цел, каде влогот е личен и персонален (слободата на Марина), често пати знае да биде далеку помоќен мотив отколку некои други поголеми или поексплозивни мотиви, бидејќи не тера да се грижиме за судбината на карактерите кои ги следиме.
4. Протагонистот мора низ развојот на приказната да доживее длабока промена или да научи некаква цел – Кумулативниот ефект на сите претходни точки е тоа што како главна поента на некое дело, протагонистот мора да научи некаква лекција или да доживее длабока лична трансформација поради настаните во приказната. Во романот, Филип започнува како арогантно момче кое мисли дека знае се, и дека секогаш е во право. Дури откако ќе се најде во опасна и неверојатна ситуација, која во еден момент го доведува и неговиот живот во опасност, тој сфаќа дека има да научи уште многу, и почнува да размислува надвор од кутијата за да се спаси себеси и Марина. На тој начин, главниот јунак станува попаметен, a неговата решителност се продлабочува.
Како заклучок, негативецот во Вашата приказна ќе биде навистина моќен, само доколку има специфичен ефект на приказната и врз протагонистот.
